Moe - Claudio Burelli la Poesia in Genova

O feugo ch’o rescada into camin,
o canta ancon l’antico  ritornello,
o mæximo de quand’eo ’n figeu,
e  tutto o mondo o paiva ancon ciù bello.

A neie gianca a chinn-a ancon lenta,
E sento inta valadda o din don  da canpann-a,
però  into mæ  cheu ghe sta a  tormenta,
nu  çercâ a vegetinn-a co-a mantella de lann-a.

No sento ciù raconti ne föe,
co-in finale a mi de longo gradio,
sento solo a tremaxon da pelle,
e ’n amô pe ti, senpre infinio.

Claudio Burelli

18 de Zenâ do 2016